Rusiya Silahlı Qüvvələrinin Ukraynanın Zaporojye vilayətinin mərkəzinə endirdiyi zərbə nəticəsində azı yeddi nəfər ölüb, yaralıların olduğu bildirilir.

“Report” xəbər verir ki, bu barədə Zaporojye vilayət dövlət administrasiyası və şəhər şurası sosial şəbəkədə məlumat yayıb.

Belə ki, yerli vaxtla 18:00 (Bakı vaxtı ilə 20:00) radələrində vilayətin mərkəzində partlayış səsləri eşidilib. Vilayət hərbi administrasiyasının başçısı İvan Fedorov partlayışın olduğunu təsdiqləyib və texniki qulluq stansiyasının yandığını qeyd edib.

Bəzi icmalarda elektrikin verilişində fasilələr müşahidə olunur.

Bir müddət sonra yerli hakimiyyət orqanları yeddi nəfərin öldüyünü açıqlayıb. Federov zərərçəkmişlərdə qəlpə yaraları və baş zədələrinin olduğunu deyib. Zərərçəkmişlərin arasında uşaqların olduğunu vurğulayıb.

Oxşar xəbərlər

Rusiyanın Xarkovu atəşə tutması nəticəsində 28 nəfər yaralanıb

Zaporojye AES-də yanğın olub, Ukrayna və Rusiya bir-birini ittiham edib

Dəməşqdəki binaya hava hücumu nəticəsində 7 nəfərin öldüyünü, 11 nəfərin yaralandığı açıqlanıb

İsrail HHQ-nin Beyruta hücumu nəticəsində 11 nəfər ölüb, 33 nəfər yaralanıb - YENİLƏNİB