“2028-ci ilin sonuna qədər Avropa İttifaqına üzvlük məsələsini gündəmə gətirməməyə qərar verdik”.

"Report"un yerli bürosu xəbər verir ki, bu barədə Gürcüstanın Baş naziri İrakli Kobaxidze “Gürcü Arzusu” partiyasının ofisində keçirdiyi brifinqdə bildirib.

İ.Kobaxidze qeyd edib ki, Avropa İttifaqına üzvlük müzakirələrinin başlanması ölkəni təhdid etmək üçün alət kimi istifadə olunur, necə ki, əvvəllər eyni şey namizədlik statusu məsələsində baş vermişdi.

Baş nazir, həmçinin Avropa Parlamentini Gürcüstanla bağlı qətnaməsinə görə tənqid edib.

Qeyd edək ki, Avropa Parlamenti bu gün Gürcüstanla bağlı qətnamə qəbul edib. Bildirilib ki, qətnamə 444 "lehinə", 72 "əleyhinə" və 82 "bitərəf" səslə qəbul edilib.

Avropa Parlamenti Gürcüstanda keçirilən parlament seçkilərini tənqid edərək təkrar səsvermənin keçirilməsinə çağırıb.

Bundan başqa, Avropa Parlamenti demokratiya standartlarına əməl olunmayacağı təqdirdə Avropa İttifaqını Gürcüstan vətəndaşları üçün vizasız rejimi yenidən nəzərdən keçirməyə çağırıb.

Oxşar xəbərlər

Kobaxidze: 2028-ci ilin sonuna qədər Aİ-yə üzvlük məsələsini gündəmə gətirməməyə qərar verdik [xfgiven_updateblue][/xfgiven_updateblue]

Avropa Parlamenti Gürcüstanla bağlı qətnamə qəbul edib [xfgiven_updateblue][/xfgiven_updateblue]

Gürcüstan Avropa İttifaqına üzvlüklə bağlı danışıqları dayandırır [xfgiven_updateblue][/xfgiven_updateblue]

Avropa Parlamenti Gürcüstana ayrılan maliyyənin dondurulmasını tələb edib [xfgiven_updateblue][/xfgiven_updateblue]

AP Azərbaycana sanksiyalar tələb etdi - Qətnamə [xfgiven_updateblue][/xfgiven_updateblue]