ABŞ dövlət katibi Entoni Blinken Böyük Britaniyanın xarici işlər naziri Devid Lemmi ilə birlikdə Kiyevdə səfərdədir. Bu, onların son illərdəki ilk birgə səfəridir.

“Report” xəbər verir ki, bu barədə Ukrayna KİV məlumat yayıb.

Onların Ukrayna paytaxtına dəmir yolu ilə Polşadan qatarla gəldikləri bildirilir.

Xatırladaq ki, dünən Ağ Evin müşaviri Con Kirbi onlayn brifinq zamanı Blinkenin səfər zamanı döyüş meydanındakı vəziyyətlə tanış olmağı və yaxınlaşan qışı nəzərə alaraq Ukraynanın yaxın həftələr və aylardakı ehtiyaclarını müzakirə etməyi planlaşdırdığını bildirmişdi.

O, həmçinin Blinkenin Ukrayna Prezidenti Volodimir Zelenski ilə danışıqlar aparacağını və Ukrayna dövlət başçısının sülh təkliflərini üz-üzə müzakirə edəcəyini vurğulamışdı.

Oxşar xəbərlər

Zelenski və İtaliyanın Baş naziri Ukrayna Silahlı Qüvvələrinin müdafiə ehtiyaclarını müzakirə ediblər

Zelenski və İtaliyanın Baş naziri Ukrayna ordusunun müdafiə ehtiyaclarını müzakirə ediblər

Bir sıra ölkələrin rəhbər şəxsləri Kiyevə səfər edib

Dmitri Medvedev: Ukrayna Rusiya ərazisidir

Blinkenin İsrailə səfər edəcəyi tarix məlum olub