Türkiyə Xarici İşlər Nazirliyi ABŞ və Kipr Respublikası arasında müdafiə sahəsində əməkdaşlığa dair imzalanan yol xəritəsini pisləyib.

"Sizinxeber.az"un məlumatına görə, bu barədə Türkiyə Xarici İşlər Nazirliyinin bəyanatında deyilir.

“ABŞ və Cənubi Kipr Rum Administrasiyası arasında müdafiə sahəsində əməkdaşlıq üçün yol xəritəsinin imzalanmasını pisləyirik. Amerika hakimiyyətinin atdığı bu addımlar Şimali Kipr Türk Cümhuriyyətinin (ŞKTC) təhlükəsizliyinə ziyan vurur, 2023-cü ilin iyununda Kipr Rum Administrasiyası ilə strateji dialoqun elan edilməsi də daxil olmaqla, Vaşinqtonun Kipr adasına münasibətdə neytral mövqeyini pozur və Kipr probleminin effektiv, ədalətli və daimi həlli axtarışlarını çətinləşdirir”, - deyə bəyanatda qeyd olunub.

ABŞ və Kipr Respublikasının regional sabitliyə xələl gətirə biləcək siyasətlərə yenidən baxmasını zəruri hesab edən rəsmi Ankara qeyd edib ki, Türkiyə zamin dövlət olaraq, Kipr türklərinin təhlükəsizliyini və rifahını istənilən şəraitdə təmin etməyə davam edəcək.

Oxşar xəbərlər

ŞKTC-li nazir: Azərbaycan, Türkiyə və Şimali Kipr bir-birinin mənafeyini daim dəstəkləməlidir [xfgiven_updateblue][/xfgiven_updateblue]

Nikos Kristodulides: Kipr Azərbaycanla Ermənistan arasında sülh prosesinə töhfə verməyə hazırdır [xfgiven_updateblue][/xfgiven_updateblue]

Türkiyə TŞ Ukrayna ilə bağlı çoxtərəfli səyləri gücləndirməyə dair çağırış edib [xfgiven_updateblue][/xfgiven_updateblue]

ŞKTC parlamentinin sədri: Türk dövlətləri arasında müştərək hərbi saziş imzalanmalıdır [xfgiven_updateblue][/xfgiven_updateblue]

Kipr ilin əvvəlindən yeddi minə yaxın miqrantı deportasiya edib [xfgiven_updateblue][/xfgiven_updateblue]