Ukrayna Prezidenti Volodimir Zelenski 2026-cı ildə Ukrayna və Ermənistan arasında iqtisadi əməkdaşlıq üzrə müştərək hökumətlərarası komissiyanın iclasını Kiyevdə keçirməyi təklif edib.

"Report" xəbər verir ki, bu barədə o, "X" sosial şəbəkəsində məlumat yayıb.

Onun sözlərinə görə, təklif İrəvanda "Avropa Siyasi Birliyi" sammiti çərçivəsində Ermənistanın Baş naziri Nikol Paşinyanla görüş zamanı səsləndirilib.

Tərəflər iqtisadi tərəfdaşlığın inkişafını, regiondakı vəziyyəti və təhlükəsizlik məsələlərini, eləcə də sülhə nail olmaq üçün səyləri müzakirə ediblər.

"Biz həmçinin iqtisadi tərəfdaşlığımızın inkişafını müzakirə etdik. Mən iqtisadi əməkdaşlıq üzrə müştərək hökumətlərarası komissiyanın işini bərpa etməyi və onun növbəti görüşünü bu il Kiyevdə keçirməyi təklif etdim", -Zelenski yazıb.

Oxşar xəbərlər

Putin Zelenski ilə Moskvada görüş keçirməyi təklif edib

Zelenski: "Avropa Siyasi Birliyi"nin sammiti çərçivəsində Ukrayna üzrə danışıqların aktivləşdirilməsi məsələsi müzakirə edilib

Zelenski və Fitso qarşılıqlı səfərlər barədə razılığa gəlib

Zelenski: Rusiya indi atəşkəsə daha çox meyillidir

Zelenski Putinlə sülh danışıqları aparmağa hazır olduğunu təsdiqləyib