Ermənistan Baş Prokurorluğu keçmiş prezident Robert Köçəryan və digər sabiq məmurlardan 2008-ci il martın 1-də baş vermiş kütləvi iğtişaşlarla bağlı iş üzrə zərərçəkənlərə və həlak olanların ailələrinə ölkə hökuməti tərəfindən ayrılmış 670 milyon dram (1,7 milyon dollar) məbləğində vəsaitin müsadirə edilməsini tələb edir.

“Sizinxeber.az” Ermənistan KİV-inə istinadən xəbər verir ki, bu barədə məlumat “Datalex” məhkəmə-hüquq informasiya saytında dərc edilib.

İddia Antikorrupsiya Məhkəməsinə göndərilib. Prokurorluq göstərilən məbləğin Köçəryan, keçmiş vitse-spiker Armen Gevorkyan, o dövrdə Silahlı Qüvvələrin Baş Qərargah rəisi olmuş Seyran Ohanyan və müdafiə nazirinin keçmiş müavini Yuri Xaçaturovdan bərabər paylarda geri alınmasını tələb edir.

Qeyd edək ki, 2019-cu ildə Ermənistan parlamenti 2008-ci il martın 1-də etiraz aksiyalarının dağıdılması zamanı həlak olanların qohumlarına və zərərçəkənlərə yardım göstərilməsi haqqında qanun qəbul edib. Həmin il Ədliyyə Nazirliyi bu məqsədlə 720 milyon dram ayırıb.

Oxşar xəbərlər

Ermənistan Baş Prokurorluğu Robert Köçəryan və digər sabiq rəsmilərdən 670 milyon dramın geri qaytarılmasını tələb edir

Ermənistanda prokurorluq keçmiş baş qərargah rəisindən 11 milyon dollar ödəməyi tələb edir

Ermənistanın keçmiş baş prokurorunun əmlakının müsadirə olunması tələb edilir

Robert Koçaryan Alen Simonyana qarşı ikinci iddia qaldırıb

Ermənistanda Robert Koçaryana qarşı iş bərpa edilib