Azərbaycan Baş nazirinin müavini Şahin Mustafayev İrana səfər edəcək.

“Report” xəbər verir ki, məlumatı “News.mrud.ir” yayıb.

Bildirilib ki, o, İranın yollar və şəhərsalma naziri Fərzanə Sadeqi ilə görüşüb. Rəsmilər İran Astarasında birgə sərhəd layihələrinin sahə tədqiqatının aparılması barədə razılıq əldə ediblər.

Məlumata görə, görüş zamanı Azərbaycan-İran İqtisadi Əməkdaşlıq üzrə Birgə Komissiyasının rəhbərlərinin iki ölkə arasında iqtisadi və inzibati əməkdaşlığın inkişafı, xüsusilə sərhəd layihələri sahəsində məsələləri müzakirə edib, fikir mübadiləsi aparıblar.

Rəsmilər "Astara" sərhəd terminalının və sərhəd körpülərinin tikintisi də daxil olmaqla birgə sərhəd layihələrinin həyata keçirilməsinin sürətləndirilməsinin vacibliyini vurğulayıblar.

Razılaşdırılıb ki, Şahin Mustafayev yaxın zamanda birgə layihələrin həyata keçirilməsinin cari vəziyyətini ərazidə tədqiq etmək və qiymətləndirmək üçün Astara şəhərinə səfər edəcək. Səfər zamanı İqtisadi Əməkdaşlıq üzrə Birgə Komissiya çərçivəsində iki ölkə arasında müxtəlif iqtisadi məsələlər nəzərdən keçiriləcək, təhlil ediləcək, həmçinin tərəflər layihələrin irəliləməsi və mümkün maneələrin aradan qaldırılması yolları barədə danışıqlar aparacaq, fikir mübadiləsi edəcəklər.

Oxşar xəbərlər

Şahin Mustafayev Tehranda İranın yol və şəhərsalma naziri ilə görüşüb

Şahin Mustafayev və Mher Qriqoryan sərhəd xətti sahələrinin ardıcıllığını müzakirə ediblər

Şahin Mustafayev İranın neft naziri ilə birgə işçi qrupunun yaradılmasını müzakirə edib

Şahin Mustafayev İran Ali Milli Təhlükəsizlik Şurasının katibi ilə regional vəziyyəti müzakirə edib

Tehranda Azərbaycan-İran Birgə İqtisadi Komissiyasının 16-cı iclası başlayıb