Tehranda Azərbaycan-İran Birgə İqtisadi Komissiyasının 16-cı iclası öz işinə başlayıb.

APA xəbər verir ki, bu barədə İranın Yol və Şəhərsalma Nazirliyinin Beynəlxalq Əlaqələr Mərkəzinin rəhbəri Əmin Tarfa məlumat verib.

Nazirliyin saytının məlumatına əsasən, Əmin Tarfa bildirib ki, iclasın ilk günündə texniki və ekspert qrupları iki ölkə arasında iqtisadi sahədəki məsələləri müzakirə edəcək, eyni zamanda ticarət, mədəniyyət, nəqliyyat, turizm, enerji və digər iqtisadi sahələr üzrə müzakirələr aparılacaq.

“Birgə İqtisadi Komissiyasının həm sədrləri — Azərbaycan Respublikası Baş Nazirinin müavini Şahin Mustafayev və İran İslam Respublikasının yol və şəhərsalma naziri Fərzanə Sadiqin iştirakı ilə protokol imzalanacaq. Sözügedən sənəd iki ölkə arasında əlaqələrin inkişafı üçün çox faydalı olacaqdır” , - İran rəsmisi bildirib.

Eyni zamanda Ə.Tarfa təmaslarda İran və Azərbaycan arasında nəqliyyat sahəsində mühüm layihələrin də müzakirə olunacağını bildirib. O qeyd edib ki, infrastruktur sahəsində, o cümlədən Araz dəhlizi, Azərbaycanı Naxçıvandan birləşdirən layihə kimi dəmir yolu və avtomobil yollarını birləşdirən İran marşrutu araşdırılır və qiymətləndirilir, yeni körpülərin və sərhəd terminallarının tikintisi və istismarı müzakirə ediləcək.

Oxşar xəbərlər

Azərbaycan və İran 16-cı birgə komissiyanın iclasında iqtisadi əməkdaşlığı müzakirə edəcəklər

Azərbaycan və İran birgə komissiyanın 16-cı iclasında iqtisadi əməkdaşlığı müzakirə edəcəklər

Şahin Mustafayev Tehranda İranın yol və şəhərsalma naziri ilə görüşüb

Azərbaycan-İran birgə hökumətlərarası komissiyasının növbəti iclası tezliklə Tehranda keçiriləcək

Azərbaycan və İran XİN rəhbərləri görüşüb