Qazaxıstanın Uralsk şəhər prokurorluğu şəhər administrasiyasının (akimatının), dövlət gəlirləri departamentinin və polisin məsul şəxslərinin bukmeker kontorları vasitəsilə qumar oyunlarında iştirak etmələri faktlarını aşkarlayıb.

Bu barədə “Sizinxeber.az” Qazaxıstan KİV-ə istinadən xəbər verir.

Yoxlamanın nəticələrinə əsasən prokurorluq nəzarəti aktları tətbiq edilib, həmin aktlara baxılaraq 24 vəzifəli şəxs intizam məsuliyyətinə cəlb edilib. Onlardan 16-sı tutduğu vəzifədən azad edilib.

Belə ki, “OLIMPBET” MMT-nin (Məhdud Məsuliyyətli Tərəfdaşlıq) məlumatına görə, Uralsk akimatının əməkdaşlarından biri 2021-ci il iyunun 5-dən 2025-ci il yanvarın 22-dək hesabına 34 milyon təngədən çox (təxminən 72,5 min ABŞ dolları) vəsait köçürüb. O cümlədən qanunvericiliyə edilən dəyişikliklərin qüvvəyə minməsindən sonra o, hesabına 1,74 milyon təngə (təxminən 3,7 min ABŞ dolları) yatırıb ki, bunun da 971 min təngəsini (təxminən 2 min ABŞ dolları) uduzub. Aşkar edilmiş qanun pozuntularına görə o, tutduğu vəzifədən azad edilib.

Qeyd olunur ki, Uralsk prokurorluğu antikorrupsiya qanunvericiliyinə əməl olunmasına sistemli nəzarəti, o cümlədən antikorrupsiya məhdudiyyətlərinin həyata keçirilməsinə nəzarəti davam etdirəcək.

Oxşar xəbərlər

Ötən il Bakıda 1 prokurorluq əməkdaşı vəzifədən azad edilib, 15 nəfərə xəbərdarlıq olunub

Azərbaycan ötən il Gürcüstanın turizm gəlirlərində 4 % paya malik olub

Mərc oyunlarında iştirak edən həndbolçu diskvalifikasiya edilib

Samarada ağır qəza olub, yeddi qazaxıstanlı xəstəxanaya yerləşdirilib

Qazax DAİM direktoru vəzifəsindən azad edilib