Pakistanın Baş naziri Şahbaz Şərif Çində rəsmi səfərdədir.

Bu barədə "Report" Pakistan Baş nazirinin dəftərxanasına istinadən xəbər verir.

Pakistan nümayəndə heyətinin tərkibinə həmçinin xarici işlər naziri Məhəmməd İshaq Dar da daxildir.

XİN başçısı "X" hesabında qeyd edib ki, Pakistanın Baş naziri Xançjouda Çjetszyan əyalətinin partiya rəhbərliyi ilə görüşəcək.

Şərif həmçinin Pakistan və Çin şirkətləri arasında əməkdaşlığın inkişafı məqsədilə təşkil olunmuş biznes-forumda iştirak edəcək.

Dar qeyd edib ki, səfər çərçivəsində sazişlərin və anlaşma memorandumlarının imzalanması planlaşdırılır.

Bundan başqa, Pakistan Baş nazirinin iri Çin şirkətlərinin rəhbərləri ilə görüşləri olacaq.

Qeyd edək ki, Şərifin Çinə səfəri mayın 26-dək davam edəcək.

Oxşar xəbərlər

Pakistan Baş naziri İranda səfərdədir

Pakistan Baş naziri Türkiyədə səfərdədir

Pakistan Baş nazirinin təyyarəsi Laçın Beynəlxalq Hava Limanına eniş edib

Pakistan Baş naziri İranda Xamenei ilə görüşüb

Pakistan Baş naziri Azərbaycana səfərinin yekunlarını müzakirə edir