Bu gün səhər saatlarında 30-a yaxın naməlum maskalı şəxs Erməni Apostol Kilsəsinin Şirak yeparxiyasının rəhbəri arxiyepiskop Mikael Acapaxyanın iqamətgahına soxulub.

“Report” “Sputnik Ermənistan”a istinadən xəbər verir ki, bu barədə vəkil Miqran Poqosyan sosial şəbəkələrdə məlumat verib.

Arxiyepiskop təsdiqləyib ki, onun iqamətgahına soxulma cəhdi həqiqətən olub, lakin həmin vaxt o, iqamətgahda olmayıb.

Daha əvvəl arxiyepiskop Acapaxyana qarşı hakimiyyəti ələ keçirməyə açıq çağırışla bağlı cinayət işi açılmışdı.

Xatırladaq ki, iyunun 25-də İstintaq Komitəsi "Müqəddəs mübarizə" hərəkatının üzvləri tərəfindən Ermənistanda hakimiyyəti ələ keçirmək məqsədilə terror aktlarının hazırlanması barədə məlumat verib. Hərəkatın lideri Baqrat Qalstanyanın və tərəfdarlarının evlərində genişmiqyaslı axtarışlar aparılıb. Həmin gün axşam onlar məhkəmənin qərarı ilə həbs ediliblər.

Oxşar xəbərlər

Ermənistanda hakimiyyəti ələ keçirmə cəhdi ilə bağlı 15 nəfər həbs edilib

Ermənistan İstintaq Komitəsi arxiyepiskop Qalstanyanı hakimiyyəti ələ keçirməyə cəhddə ittiham edib

Ermənistanda terror aktları həyata keçirməkdə ittiham edilən arxiyepiskop həbs edilib

Baqrat Qalstanyan terror aktı hazırlamaqda və hakimiyyəti ələ keçirməyə cəhddə ittiham olunur - YENİLƏNİB

Erməni apostol kilsəsinin arxiyepiskopu barəsində cinayət işi açılıb