Bakı və İrəvan sərhədlərin delimitasiyası çərçivəsində işi davam etdirir.

“Report” xəbər verir ki, bu barədə Ermənistan baş nazirinin müavini Mher Qriqoryan Sankt-Peterburq Beynəlxalq İqtisadi Forumu çərçivəsində “Sputnik-Ermənistan”a bildirib.

"Təmaslar var, lakin proses kifayət qədər mürəkkəbdir. Müvafiq olaraq müəyyən hazırlıq işləri tələb olunur. Hazırda bu işlər faktiki olaraq aparılır. Lakin mən prosesin yavaşlaması və ya sürətlənməsi ilə bağlı qiymət verməzdim", - o qeyd edib.

M.Qriqoryanın sözlərinə görə, hazırda delimitasiya komissiyalarının növbəti iclasının konkret tarixi yoxdur.

"Buna baxmayaraq, tərəflərin qarşılıqlı fəaliyyət qaydasını müəyyən edən və tənzimləyən təsdiqlənmiş sənəd mövcuddur", - o əlavə edib.

Oxşar xəbərlər

Mher Qriqoryan: İrəvan və Bakı sərhədlərin delimitasiyası məsələsi üzrə dialoqu davam etdirir

Mher Qriqoryan: İrəvan və Bakı işçi qaydada sərhədlərin delimitasiyası məsələlərini müzakirə edir

Sərhədlərin delimitasiyası üzrə növbəti görüşün yeri və tarixi razılaşdırılıb

Paşinyan Azərbaycanla protokolun imzalanmasını böyük uğur adlandırdı

Azərbaycanla Ermənistan Delimitasiya Komissiyalarının Əsasnaməsi bu gündən qüvvəyə minir