ABŞ Prezidenti Donald Tramp tərəfindən təklif edilən Hörmüz boğazı ətrafında beynəlxalq dəniz koalisiyasının yaradılması təşəbbüsünə müxtəlif ölkələr fərqli reaksiyalar verib.

Axar.az xəbər verir ki, Fransa və Almaniya koalisiyaya qoşulmaqdan açıq şəkildə imtina ediblər.

Böyük Britaniya təşəbbüsə tam qarşı çıxmasa da, iştirak məsələsində istəksiz mövqe nümayiş etdirir və qərarını ehtiyatla qiymətləndirir.

Avstraliya təklif olunan hərbi koalisiyada iştirak etməyəcəyini açıqlayıb. Yaponiya isə bölgəyə hərbi qüvvə yerləşdirməkdən imtina edib və məsələyə daha çox diplomatik və iqtisadi çərçivədə yanaşmağa çalışır.

İtaliya məsələyə daha çox Avropa çərçivəsində yanaşır. Roma hazırda Avropa Birliyi tərəfindən müzakirə edilən “Aspides” hərbi-dəniz missiyası çərçivəsində prosesə baxır. Lakin İtaliya Hörmüz boğazında ayrıca yerləşdirmə ilə bağlı konkret öhdəlik götürməyib.

Hindistan isə koalisiyaya qoşulmaqdan imtina edib. Yeni Dehli İranla birbaşa diplomatik təmaslara üstünlük verir və bəzi hallarda öz tankerlərinin təhlükəsizliyini müstəqil şəkildə təmin etməyə çalışır.

Asiya ölkələrinin reaksiyaları isə daha balanslıdır. Cənubi Koreya ABŞ-ın təklifini hələ də nəzərdən keçirdiyini bildirir. Çin isə bölgədə hərbi iştirakdan imtina etdiyini açıqlayıb.

Nəticə olaraq, ABŞ-ın irəli sürdüyü Hörmüz boğazı koalisiyası ideyası geniş beynəlxalq dəstək qazanmayıb.

Oxşar xəbərlər

Avstraliya və Yaponiya Hörmüz boğazına hərbi gəmilər göndərməkdən imtina edib

Trampın Hörmüzlə bağlı təklifi ziddiyyətlidir - Störe

Almaniya və Britaniya Hörmüz boğazında gəmilərin mühafizəsi missiyasında iştirak etməyəcək

Tramp neft idxalçısı olan ölkələri Hörmüz boğazının təhlükəsizliyini təmin etməyə çağırıb