Rusiyanın Almaniyada dondurulmuş aktivlərinin həcmi açıqlanıb

Almaniya hakimiyyəti Aİ-nin sanksiyaları çərçivəsində Rusiyanın təxminən 3,5 milyard avro dəyərində aktivlərini dondurub.

APA xəbər verir ki, bu barədə “TASS”a Almaniya Maliyyə Nazirliyinin nümayəndəsi məlumat verib.

2023-cü il dekabrın sonunda Almaniya Maliyyə Nazirliyinin nümayəndəsi bildirmişdi ki, ölkə hakimiyyəti həmin ayın əvvəlinə Aİ sanksiyaları rejimi altında Rusiyanın təxminən 4,1 milyard avro dəyərində aktivlərini dondurub.