Donald Tramp və Konqresin yeni tərkibi ilə bağlı Rusiyanın heç bir illüziyası yoxdur.

APA-nın Moskva müxbiri xəbər verir ki, bu barədə Rusiya Xarici İşlər Nazirliyinin ABŞ-dakı seçkilərləbağlı bəyanatında bildirilib.

Qeyd olunub ki, Amerika elitası partiya mənsubiyyətindən asılı olmayaraq, anti-Rusiya xəttini tutur.

"Rusiya ABŞ-ın yeni administrasiyası ilə işləyəcək, milli maraqları qətiyyətlə müdafiə edəcək və diqqətini xüsusi hərbi əməliyyatın məqsədlərinə çatmağa yönəldəcək. Bizim şərtlərimiz dəyişməzdir və bu şərtlər Vaşinqtonda yaxşı məlumdur”,deyə Rusiya XİN-nin bəyanatında qeyd olunub.

O da vurğulanıb ki, Trampın ABŞ seçkilərində qələbəsi amerikalıların Baydenin hakimiyyətinin nəticələrindən və Demokrat Partiyasının proqramından narazılığını əks etdirir.

Oxşar xəbərlər

Rəsmi Moskva İsraili hərbi əməliyyatları dərhal dayandırmağa çağırıb

Kreml Putinin Trampı təbrik etmək planlarından xəbərsizdir

Lavrov: MDB ölkələri anti-Rusiya sanksiyaları kontekstində Qərbin təzyiqlərinin öhdəsindən yaxşı gəlir

Tramp: Harrisə Rusiya və Çinlə danışıqlar aparmağa etibar etmək olmaz