Pakistanın daxili işlər naziri Möhsün Nəqvi İrana səfəri çərçivəsində bu ölkənin Prezidenti Məsud Pezeşkianla görüşüb, tərəflər ABŞ ilə aparılan danışıqları müzakirə edib.

"Sizinxeber.az" xəbər verir ki, bu barədə ISNA məlumat yayıb.

"İran və ABŞ arasındakı razılaşma üzrə məsləhətləşmələri davam etdirmək üçün Tehrana gəlmiş Pakistanın daxili işlər naziri Möhsün Nəqvi bu gün axşam ölkəmizin Prezidenti Məsud Pezeşkianla görüşüb və danışıqlar aparıb", - məlumatda bildirilib.

Xatırladaq ki, Pakistan Xarici İşlər Nazirliyinin (XİN) yaydığı bəyanatda 21 iyun 2026-cı ildə İsveçrənin Bürgenstok şəhərində ABŞ ilə İran arasında texniki səviyyədə danışıqların aparılacağı açıqlanıb.

Danışıqlarda İranı parlamentin sədri Məhəmmədbaqer Qalibaf, xarici işlər naziri Abbas Əraqçi, Ali Milli Təhlükəsizlik Şurası katibinin beynəlxalq məsələlər üzrə müavini Əli Baqiri, Mərkəzi Bankın sədri Əbdülnasir Hümməti, İran Milli Neft Şirkətinin rəhbəri Həmid Bord, xarici işlər nazirinin müavini Kazım Qəribabadi, XİN-in sözçüsü İsmayıl Bəqai və digər rəsmi şəxslər təmsil edir.

İran tərəfinin qabardacağı başlıca məsələ İsrailin Livana hücumlarıdır, çünki bu, anlaşma memorandumunun şərtlərinə ziddir.

Oxşar xəbərlər

Pakistanın daxili işlər naziri İrana gedib

Pakistanın daxili işlər naziri Tehranda səfərdədir

Şahbaz Şərif və Asim Munirin ABŞ-İran danışıqlarında iştirakı gözlənilir

"Fars": İran və ABŞ nümayəndə heyətləri İslamabada çatıb

Məsud Pezeşkianla Nikol Paşinyan görüşüb