Rusiyada sənədlərinin müddəti bitmiş əcnəbilər dövlət sərhədindən öz ölkəsinə buraxılacaqlar.

APA-nın Moskva müxbiri xəbər verir ki, bu barədə Dövlət Duması müvafiq düzəlişi qəbul edib.

Düzəlişə əsasən, artıq əcnəbinin dövlət sərhədindən vətəndaşı olduğu ölkəyə keçməsinə, əgər sənədlər şəxsiyyətini təsdiq etməyə imkan verərsə, istifadə müddəti bitmiş və ya texniki nasazlığı olan sənədlərdən istifadə etməklə icazə verilir.

Qeyd edək ki, indiyə kimi pasportunun müddəti bitmiş xarici vətəndaş öz ölkəsinə qayıtmaq üçün konsulluqdan qayıdış kağızı almaq məcburiyyətində idi. Müvafiq dəyişiklik Rusiyada olması üçün heç bir hüquqi əsası olmayan xarici vətəndaşlar üçün ölkədən çıxarılma rejiminin tətbiqinə yönəlmiş qanun layihəsinin bir hissəsidir.

Oxşar xəbərlər

Tələbələrin köçürülməsi üçün elektron sənəd qəbulunun müddəti uzadılıb

Rusiyada miqrantlarla bağlı yeni qanun təsdiqlənib

Xaricdə təhsil üçün dövlət proqramına müraciət edənlərin sayı artıb

Bu il 72 üçəm, 4 dördəm doğulub

Hərbi texnika və silahla əlaqədar lisenziya verilməsinə görə dövlət rüsumu müəyyənləşib