Rusiya Qazaxıstanda ilk nüvə stansiyasının tikintisinə başlayıb

Rusiya Qazaxıstanda ilk nüvə stansiyasının tikintisinə başlayıb.

APA-nın “Al Arabiyya”ya istinadən xəbərinə görə, Rusiya və Qazaxıstanın nüvə agentlikləri müştərək bəyanatlarında bildiriblər ki, stansiyanın tikintisi üçün optimal məkanın seçilməsi üçün proses başlayıb və layihənin sənədləşdirmə məsələsi start götürüb.

Qazaxıstanın nüvə agentliyi bu layihəni ölkənin strateji seçimi adlandırıb, eləcə də Qazaxıstan və region üçün uzunmüddətli iqtisadi qazanc gətirəcəyini bildirib.

Qeyd olunub ki, Çin də Qazaxıstanda iki nüvə stansiyası tikəcək və bu barədə detallar ilin sonuna kimi açıqlanacaq.

Xatırladaq ki, Qazaxıstan dünya üzrə uranın 43%-ni təmin edir və Avropa İttifaqına uran ixrac edən təminatçılar arasında üçüncüdür.