KİV: Putin İranın uranı zənginləşdirməsinə tam qadağanı dəstəkləyir

Rusiya prezidenti Vladimir Putin İranın uran zənginləşdirməsini tamamilə qadağan edən razılaşmanı dəstəkləyir.

Sizinxeber.az xəbər verir ki, bununla bağlı anonim mənbələr Axios-a məlumat verib.

Məlumata əsasən, Putin bu mövqeyini həm iranlı rəsmilərə, həm də ABŞ prezidenti Donald Trampa bəyan edib.

Rusiya lideri İran rəsmilərini uranın zənginləşdirilməsini tamamilə qadağan edən bir razılaşmanı qəbul etməyə çağırıb. Buna baxmayaraq, İran tərəfi isə belə bir variantın nəzərdən keçirilməyəcəyini deyərək Putinin çağırışına mənfi cavab verib.

Qeyd edək ki, Rusiya rəsmi şəkildə sülh məqsədləri üçün istifadə olunması şərtilə İranın nüvə proqramını dəstəkləyir.