Moskva hostelində axtarışlar aparılır, 400-ə yaxın əcnəbi yoxlanılır.

BAKU.WS Rusiya mətbuatına istinadən xəbər verir ki, bu barədə Rusiya İstintaq Komitəsinin paytaxtın mərkəzi qərargahının teleqram kanalında məlumat verilib.

Bildirilib ki, hüquq-mühafizə orqanlarının əməkdaşları Moskvanın cənub-qərbində yerləşən yataqxanada axtarışlar aparıb, 400-ə yaxın əcnəbi miqrasiya qanunlarına uyğunluğu yoxlanılır.

Ekstremist icmanın təşkili ilə bağlı aparılan cinayət işi çərçivəsində Novatorov küçəsində yerləşən “Üç Ulduz” MMC-nin yataqxanasında miqrasiya qanunvericiliyinin pozulması barədə məlumat əldə olunub.

Avqustun 9-da Moskva müstəntiqləri əməliyyat xidmətləri ilə birlikdə Rusiya Qvardiyasının hərbi dəstəyi ilə bu yataqxanada axtarış aparıblar.

“Obyektdə 441 nəfər müəyyən edilib, onlardan 391-i xarici ölkə vətəndaşıdır. Həmin şəxslər Moskva ərazisində miqrasiya qanunvericiliyinin, eləcə də digər hüquqpozmaların törədilməsinin mümkünlüyünü yoxlamaq üçün hüquq-mühafizə orqanlarına təhvil verilir”, - deyə məlumatda bildirilir.

BAKU.WS

Oxşar xəbərlər

DMX və DTX əməliyyat keçirdi: 31 nəfər saxlanıldı

Qanunsuz miqrasiya ilə bağlı 34 əcnəbi saxlanılıb

Aİ miqrasiya ilə bağlı islahatlar aparacaq

Yarımildə 33 mindən çox əcnəbi Azərbaycanda yaşamaq üçün müraciət edib

Rusiya Prezidenti: Moskva ilə Bakı arasında münasibətlər yüksək səviyyədədir və inkişaf edir