İtaliya Yepiskopları Konfransının rəhbəri kardinal Matteo Dzuppi Ukrayna nizamlanmasının asanlaşdırılması üçün nəzərdə tutulan humanitar missiyasını davam etdirəcək.

“Sizinxeber.az” TASS-a istinadən xəbər verir ki, bu barədə o, özü məlumat verib.

“Bəli, missiyam davam edəcək. Bu, sırf humanitar xarakter daşıyır”, - deyən kardinal yaxın gələcəkdə Rusiyanın Vatikandakı səfirliyi ilə razılaşdırılaraq gələcək addımların müzakirə ediləcəyini bildirib.

Bu iş çərçivəsində Müqəddəs Taxt-Tacın yardımı ilə əsirlərin dəyişdirilməsi və uşaqların qaytarılması ilə bağlı razılıq prosesi gedir. Dzuppi qeyd edib ki, tərəflərin bu məsələlər üzrə birbaşa dialoq aparmağa nail olması son dərəcə vacibdir.

Xatırladaq ki, Dzuppi əvvəlki Roma Papası Fransisk tərəfindən Ukrayna üzrə xüsusi elçi təyin edilmişdi. Dzuppinin sözlərinə görə, yeni pontifik - XIV Leo da bu işin humanitar aspektlərdə davam etdirilməsini dəstəkləyib. O, missiyası çərçivəsində ilk olaraq Kiyev, Moskva, Vaşinqton (hələ Cozef Bayden administrasiyası dövründə) və Pekində olub.

Oxşar xəbərlər

Gürcüstanın Baş naziri Macarıstanda rəsmi səfərdədir

Roma Papası xəstəxanaya yerləşdirilib

İlham Əliyev: Azərbaycan bundan sonra da Ukraynaya humanitar yardımını davam etdirəcək

Sikstin kapellasında Roma Papası seçkiləri başlanıb

Lavrov Roma Papasının Ukrayna üzrə xüsusi nümayəndəsi ilə görüşüb