80 yaşadək 133 kardinal konklavın – Roma Katolik Kilsəsinin yeni başçısının seçiləcəyi qapalı kardinal məclisin keçirildiyi Sikstin kapellasına daxil olub. “Extra omnes” (“hamı bayıra”) elan edilmiş formula ilə hər biri papa taxtına namizəd ola bilən kardinal-seçicilər xarici dünyadan təcrid olunublar.

“Sizinxeber.az” xəbər verir ki, bu barədə Müqəddəs Taxt-Tacın mətbuat xidməti məlumat yayıb.

Kapellada mobil və digər rabitə vasitələri söndürülüb. Məlumatları yaymamaq barədə and içdikdən sonra (mərasim “Vatican News” portalı tərəfindən yayımlanıb) artıq bağlı qapılar arxasında günün sonunadək ilk və yeganə səsvermə keçiriləcək.

Səhər Müqəddəs Pyotr kilsəsində konklavın uğuru naminə təntənəli messa keçirilib, ona yaşına (91) görə konklavda iştirak etməyən kardinallar kollegiyasının dekanı Covanni Battista Re başçılıq edib. O, öz moizəsində zamanın çətinliyini və bu anda kilsədən və “cəmiyyətin vicdanını oyatmalı olan” Roma Papasından böyük gözləntiləri qeyd edib.

Konklavda iştirak edən 133 kardinaldan 52-si avropalıdır. Fransiskin dövründə dövlət katibi (hökumət başçısı) vəzifəsini tutan italyan Pietro Parolin və İtaliya Yepiskoplar Konfransının rəhbəri Matteo Zuppi müəyyən dəstəyə malikdirlər.

Müqəddəs Pyotr meydanında inanclılar Sikstin kapellasında quraşdırılmış bacanın borusundan çıxan tüstünü görmək üçün toplaşırlar. Məhz ağ tüstü seçimin edildiyini xəbər verir. Təhlükəsizliyi təmin edən Roma iqtidarının məlumatına görə, meydanda 250 min nəfərədək insan gözlənilir. Bu, təxminən aprelin 26-da Roma Papası Fransiskin dəfn mərasiminə gələnlərin sayı qədərdir. Təhlükəsizliyin təmin edilməsinə 4 min polis və hərbçi, üç min könüllü cəlb edilib.

Oxşar xəbərlər

Luis Antonio Tagle Papa olmaq üçün ən şanslı namizəd kimi göstərilir

Roma Papası xəstəlikdən sonra ilk dəfə Müqəddəs Pyotr meydanında görünüb

Vatikanda Papa Fransisk ilə vida mərasimi başlayıb

Fransisklə vida mərasimi aprelin 23-də müqəddəs Pyotr kilsəsində keçirilə bilər - YENİLƏNİB

Romas Papası xəstəlikdən sonra ilk dəfə Müqəddəs Pyotr meydanında görünüb