Venesuela Xarici İşlər Nazirliyi ölkə vətəndaşlarına ABŞ-yə səfər etməkdən çəkinməyi və orada yaşayırlarsa, ölkəni tərk etməyi tövsiyə edib.

“Sizinxeber.az” xəbər verir ki, bu barədə ölkənin xarici işlər naziri İvan Gil Pinto öz telegram kanalında yazıb.

Nazir ABŞ-da venesuelalıların sistematik insan haqlarının pozulmasının qurbanı olduqlarını, onların səbəbsiz olaraq həbs edildiyini, ailələrindən ayrılaraq üçüncü ölkələrin konslagerlərinə köçürüldüyünü və bunun müasir tarixin ən pis dövrlərini xatırladan qəbuledilməz bir təcrübə olduğunu diqqətə çatdırıb.

Gil həmçinin qeyd edib ki, Venesuela vətəndaşı olan vətəndaşlar ABŞ-da ən ağır ksenofobiyaya məruz qalırlar.

Oxşar xəbərlər

Azərbaycan və Venesuela XİN başçıları COP29 çərçivəsində əməkdaşlığı müzakirə ediblər

Britaniya XİN vətəndaşlarını Livandan çıxmağa çağırıb

Venesuela Livana ilk humanitar yardım partiyasını göndərib