İranın xarici işlər naziri Seyid Abbas Əraqçi Vatikanın Dövlət katibi kardinal Pietro Parolin və dövlətlərlə əlaqələr üzrə katibi Pol Qallaher ilə görüşüb.

“Sizinxeber.az” İran XİN-ə istinadən xəbər verir ki, görüş İran nümayəndə heyətinin nüvə proqramı üzrə ABŞ ilə danışıqlarda iştirak etmək üçün səfəri çərçivəsində baş tutub.

İranlı nazir Roma Papası Fransiskin bu yaxınlarda vəfatı ilə əlaqədar başsağlığı verib və XIV Leonun yeni Papa seçilməsi münasibətilə təbrik edib.

Əraqçi deyib ki, İran xalqının nüvə enerjisindən dinc məqsədlərlə istifadə etmək hüququ var və Müqəddəs Taxt-tac rəsmilərinə Vaşinqtonla danışıqların gedişi barədə məlumat verib.

Tərəflər Qəzza zolağındakı vəziyyəti də müzakirə edib və Yaxın Şərqdəki gərginliyin aradan qaldırılmasının vacibliyini vurğulayıblar.

Həmsöhbətlər həmçinin İran və Vatikan arasında ikitərəfli münasibətlərin hazırkı vəziyyətini nəzərdən keçirib, dinlərarası dialoq və münaqişələrin sülh yolu ilə həlli məsələlərini müzakirə ediblər.

Oxşar xəbərlər

İran nüvə dosyesi ilə bağlı ABŞ, Avropa və Rusiya ilə əlaqə saxlayır

İran XİN başçısı ABŞ ilə nüvə sazişi üzrə danışıqlar aparmaq üçün Romada səfərdədir

İran nüvə danışıqlarını müzakirə etmək üçün ABŞ-yə şərt qoyub

İran XİN: Tehran və Vaşinqton yalnız nüvə dosyesini müzakirə edəcək - YENİLƏNİB 1

Tramp ABŞ və İran arasında danışıqların çox yaxşı getdiyini açıqlayıb