Rumıniyanın Konstitusiya Məhkəməsi Nikuşor Danı prezident seçkilərinin qalibi elan edib

Rumıniyanın Konstitusiya Məhkəməsi (KM) mayın 22-də Nikuşor Danın ölkə prezidenti seçkilərində qələbəsini rəsmən təsdiqləyib.

"Sizinxeber.az" xəbər verir ki, bu barədə məhkəmənin sədri Mariana Enake EFE agentliyinə bildirib.

"Konstitusiya Məhkəməsinin hakimləri yekdilliklə Nikuşor Danı seçkilərin qalibi kimi təsdiqləyiblər", - o qeyd edib.

Xatırladaq ki, mayın 18-də Rumıniyada keçirilmiş prezident seçkilərinin ikinci turunda Buxarest meri Nikuşor Dan 53,6 faiz səslə qalib gəlib. Onun əsas rəqibi Corce Simion 46,4 faiz səs toplayıb.

Nikuşor Danın mayın 26-da and içəcəyi gözlənilir.