Azərbaycanın kimliyi qitələrin və sivilizasiyaların qovşağında - ideyaların, mədəniyyətlərin və ənənələrin əsrlər boyu bir-birinə qarışdığı məkanda formalaşıb.

"Sizinxeber.az" xəbər verir ki, bunu Azərbaycanın Müstəqillik Günü münasibətilə Birləşmiş Millətlər Təşkilatının (BMT) Nyu-Yorkdakı Baş qərargahında təşkil olunan rəsmi qəbulda çıxış edən BMT Baş katibinin Kabinet rəhbəri Kortni Ratrey deyib.

Bu barədə Azərbaycanın BMT yanındakı Daimi Nümayəndəliyinin "X" sosial şəbəkə hesabında məlumat paylaşılıb.

Tədbirə digər ölkələrin BMT-dəki daimi nümayəndələri, diplomatlar və yüksək vəzifəli rəsmilər qatılıb.

Qəbulda çıxış edən BMT Baş katibinin Kabinet rəhbəri Azərbaycan xalqını Müstəqillik Günü münasibətilə təbrik edib.

Qonaqlara müraciət edən Azərbaycanın daimi nümayəndəsi, səfir Tofiq Musayev Azərbaycan Xalq Cümhuriyyətinin tarixi irsini vurğulayıb. O, Azərbaycanın BMT-nin əsas sütunları üzrə - Dayanıqlı İnkişaf Məqsədlərinin irəlilədilməsindən və insan hüquqlarının təşviqindən tutmuş, beynəlxalq sülh və təhlükəsizliyin dəstəklənməsinə qədər olan sahələrdə fəal töhfələrini diqqətə çatdırıb.

Oxşar xəbərlər

Azərbaycanın BMT-dəki daimi nümayəndəsi türkiyəli həmkarı ilə görüşüb

Brüsseldə Azərbaycanın Müstəqillik Günü münasibətilə tədbir keçirilib

Azərbaycan BMT-dəki nümayəndəsi zimbabveli həmkarı ilə əməkdaşlığın gücləndirilməsini müzakirə edib

BMT-dəki daimi nümayəndə UNICEF-in regional direktoru ilə uşaqların müdafiəsini müzakirə edib

Azərbaycanın BMT-dəki nümayəndəsi Nyu-Yorkda regionun investisiya imkanlarından danışıb