ABŞ Meksika sərhədində yeni hərbi zonanın yaradılması təşəbbüsü ilə çıxış edir.

“Report” xəbər verir ki, bu barədə “Reuters” agentliyi məlumat yayıb.

Məlumata görə, yeni hərbi zonanın uzunluğu 102 km-dir, Texas və Nyu-Meksiko ştatlarının sərhədlərindən şərqdə, El Paso bölgəsindəki ərazini əhatə edir.

ABŞ hərbçiləri miqrantları və sərhəd pozucularını saxlamaq imkanı əldə edəcəklər, bundan sonra saxlanılanlar sərhəd patruluna və ya digər hüquq-mühafizə orqanlarına təhvil veriləcək.

Xatırladaq ki, aprel ayında Tramp administrasiyası Nyu-Mexiko ilə sərhəd boyunca 440 kvadrat kilometrlik zolağı “milli müdafiə zonası” elan edib.

Bundan əvvəl ABŞ-nin vitse-prezidenti Cey Di Vens bildirib ki, Birləşmiş Ştatlar Meksikaya müdaxilə etmək niyyətində deyil. O qeyd edib ki, ABŞ Meksika ilə münasibətləri pisləşdirmək istəmir və ümid edir ki, bu ölkənin hakimiyyət orqanları kartellərlə mübarizə üçün özləri tədbirlər görəcəklər. Bu yolla onlar həm Meksika, həm də Amerika xalqına kömək edəcəklər.

Oxşar xəbərlər

ABŞ-də Meksika ilə sərhəddə hasarın tikintisinin başa çatdırılma müddəti açıqlanıb

Texas qubernatoru Meksika ilə sərhədə 400-dən çox hərbçi göndərəcək

KİV: ABŞ Meksika sərhədinə "Stryker" zirehli döyüş maşınlarını yerləşdirə bilər

Meksika Prezidenti: ABŞ-dən deportasiya olunan miqrantları qəbul etməyəcək

Meksika Prezidenti: ABŞ-dən deportasiya olunan miqrantları qəbul etməyəcəyik