ABŞ Prezidentinin xüsusi nümayəndəsi Stiven Uitkoff aprelin 18-də Parisdə İranla danışıqlardan əvvəl İsrail kəşfiyyatı "Mossad"ın rəhbəri David Barnea və İsrailin strateji planlaşdırma naziri Ron Dermer ilə görüşəcək.

“Report” TASS-a istinadən xəbər verir ki, bu barədə “Axios” İsraildəki mənbələrə istinadən məlumat yayıb.

Əlavə təfərrüatlar verilməyib.

Daha əvvəl İsrail Baş naziri Benyamin Netanyahunun dəftərxanası bəyan edib ki, İsrail İranın nüvə silahına sahib olmasına imkan verməyəcək. Məlumatda qeyd olunub ki, Netanyahu "saysız-hesabsız açıq və gizli əməliyyatlara rəhbərlik edib" və bunun sayəsində İran bu günə qədər nüvə potensialına sahib deyil.

Romada aprelin 19-da İranla ABŞ arasında Tehranın nüvə proqramı ətrafında fikir ayrılıqlarının həllinə həsr olunmuş danışıqların ikinci raundu keçiriləcək. Ötən həftə Maskatda (Oman) ABŞ və İran nümayəndələri arasında Oman vasitəçiliyi ilə İslam Respublikasının nüvə proqramı ətrafında vəziyyətin tənzimlənməsi üzrə birbaşa olmayan danışıqlar keçirilib.

Oxşar xəbərlər

Oman XİN ABŞ-İran danışıqlarının ikinci mərhələsinin vaxtını təsdiqləyib

KİV: İsrail ABŞ-ni İranla bağlı məsələnin güc ssenarisi ilə həllinə doğru itələyir

ABŞ və İran arasında danışıqların ikinci raundu aprelin 19-da Romada keçiriləcək

KİV: Tramp İranla sövdələşmə naminə güzəştə gedə bilər

KİV: ABŞ və İran arasında məsləhətləşmələrin ikinci raundu aprelin 19-da Romada keçiriləcək