Kanada hökuməti bəzi Amerika mallarına tariflərə altı aylıq fasilə tətbiq edəcək.

“Report” xəbər verir ki, bu barədə Kanadanın maliyyə naziri Fransua-Filip Şampanın bəyanatında bildirilib.

“Hökumət Kanada istehsalında, qida və içkilərin emalı və qablaşdırılmasında istifadə olunan, habelə ictimai sağlamlığı, ictimai təhlükəsizliyi və milli təhlükəsizlik maraqlarını dəstəkləmək üçün istifadə olunan mallar üçün ABŞ-dən idxal edilən malları müvəqqəti olaraq - altı ay müddətinə rüsumlardan azad etmək niyyətindədir”, - bəyanatın mətnində deyilir.

Bundan əlavə, rəsmi Ottava CUSMA ticarət sazişinə (ABŞ, Meksika və Kanada arasında üçtərəfli saziş - red.) uyğun gələn və ölkəyə idxal edilən ABŞ avtomobilləri və onların ehtiyat hissələrini tariflərdən müvəqqəti azad edəcək. Şampan vurğulayıb ki, bu cür addımlar Kanadada avtomobil istehsalını qorumağa kömək edəcək.

Oxşar xəbərlər

Kanada ABŞ-yə qarşı tariflərin bir hissəsini təxirə salıb

ABŞ Kanada, Çin və Meksikadan idxal edilən mallara rüsum tətbiq edəcək - YENİLƏNİB

ABŞ fevralın 4-dən Kanada mallarına 25 faizlik rüsum tətbiq edəcək

Kanada ABŞ-dən 155 milyard dollarlıq mallara 25% cavab rüsumları tətbiq edəcək

ABŞ bu gündən Kanada və Meksika mallarına rüsumlar tətbiq edəcək