Avropanın müdafiə nazirləri bu gün Avropa İttifaqının (Aİ) öz müdafiəsini gücləndirmək və Ukrayna üçün nə edə biləcəyini müzakirə edəcəklər.

“Report” xəbər verir ki, bunu Aİ-nin xarici işlər və təhlükəsizlik siyasəti üzrə ali nümayəndəsi Kaya Kallas Polşada Aİ müdafiə nazirlərinin görüşündən əvvəl bildirib.

"Maliyyələşdirmə, birgə satınalmalar, həmçinin əsas layihələr barədə danışdıqda müzakirə edilməli çoxsaylı elementlər var. Buna görə də bu gün çox ətraflı və intensiv müzakirələr gözləyirəm", - o bildirib.

ABŞ ilə ticarət müharibəsinin əməkdaşlığa təsir edib-etməyəcəyi sualına cavab olaraq Kallas qeyd edib ki, belə şeylərdə qalib olmur. O bildirib ki, amerikalılarla olan müdafiə əməkdaşlığı da çox vacibdir.

Onun sözlərinə görə, Avropa Komissiyası öz müdafiə sənayesi üçün nə edilə biləcəyi barədə də düşünür: "Biz portfelimizi şaxələndirməliyik ki, lazım olan sursatları və məhsulları istehsal etmək, eləcə də digər müttəfiqlərdən ala bilmək imkanlarımız olsun”. K.Kallas əlavə edib ki, Avropa daha sürətlə hərəkət etməlidir.

Oxşar xəbərlər

Kaya Kallas sabah Türkiyəyə səfər edəcək

Kallas Aİ-nin xarici işlər üzrə ali nümayəndəsi vəzifəsini icra edəcək

Kallas Tramp – Zelenski görüşünü şərh edib: Azad dünyanın yeni liderə ehtiyacı var

Kaya Kallas: Ukrayna ilə bağlı razılaşmada Avropa da nəzərə alınmalıdır

Avropa İttifaqının Ali nümayəndəsi Ermənistana səfər edəcək