Almaniyanın cənub-qərbində Ubştadt-Vayer (Baden-Vürtemberq) icmasında yük maşınının tramvayla toqquşması nəticəsində 1 nəfər ölüb, 4 nəfər yaralanıb.

“Report” xəbər verir ki, bu barədə “Bild” nəşri məlumat yayıb.

Məlumata görə, qəza saat 14:15 radələrində (Bakı vaxtı ilə 17:15) dəmir yolu keçidində baş verib. Yük maşınının sürücüsü qısa yoldan istifadə etmək qərarına gəlib və kəsişməni keçərkən işıqforun qırmızı işığına məhəl qoymayıb.

Qeyd olunur ki, toqquşma zamanı tramvayda yeddi sərnişin olub, onlardan üçü yüngül xəsarətlər alıb. Tramvayın qarşısından onun sürücüsünə aid olduğu ehtimal edilən meyit çıxarılıb. Yük maşınının sürücüsü müxtəlif xəsarətlərlə xəstəxanaya yerləşdirilib.

Hadisə ilə əlaqədar magistral yol hər iki istiqamətdə bağlanıb. Xilasetmə xidmətləri genişmiqyaslı əməliyyat keçirib.

Oxşar xəbərlər

KİV: Almaniyada qatarla yük maşınının toqquşması nəticəsində 12 nəfər xəsarət alıb

Almaniyada məktəb avtobusu tramvayla toqquşub, 12 nəfər xəsarət alıb

Konqoda yük maşını dərəyə aşıb, 18 nəfər ölüb, onlarla insan xəsarət alıb

Bolqarıstanda avtobusla yük maşınının toqquşması nəticəsində 4 nəfər ölüb

Tatarıstanda minik və yük avtomobilləri toqquşub, ölənlər var