ABŞ-nin deportasiya edilmiş Hindistan miqrantlarını daşıyan üçüncü “C-17” hərbi-nəqliyyat təyyarəsi Hindistanın şimalındakı Pəncab ştatına çatıb.

“Sizinxeber.az” TASS-a istinadən xəbər verir ki, bu barədə “Hindu” qəzeti məlumat yayıb.

“HHQ təyyarəsi ilə ABŞ-də qeyri-qanuni yaşayan 112 hindistanlı vətənə qaytarılıb. Onların arasında Qucarat, Pəncab, Uttarakhand, Uttar-Pradeş, Haryana və Himaçal-Pradeş ştatlarının sakinləri var”, - məlumatda qeyd edilib.

Fevralın əvvəlindən ümumilikdə 335 hindistanlı deportasiya edilib.

Hindistan rəhbərliyi vurğulayıb ki, Nyu-Delhi deportasiya edilən bütün qeyri-qanuni miqrantları qəbul edəcək və Vaşinqtonla əməkdaşlıq edəcək. ABŞ-də deportasiya edilə biləcək 18 min hindistanlı aşkar edilib.

Xatırladaq ki, yanvarın 20-də Tramp ABŞ – Meksika sərhədində fövqəladə vəziyyət rejiminin tətbiq edilməsi haqqında fərman imzalayıb. Amerika lideri deyib ki, bu, ölkəyə qanunsuz miqrantların “fəlakətli müdaxiləsinin” qarşısını almaq üçün cənub sərhədinə qoşun göndərməyə imkan verəcək.

Oxşar xəbərlər

KİV: ABŞ 104 Hindistan vətəndaşını deportasiya edib

Qustavo Petro deportasiya olunan kolumbiyalıları daşıyan ABŞ təyyarələrini ölkəyə buraxmayacaq

Kipr ilin əvvəlindən yeddi minə yaxın miqrantı deportasiya edib

ABŞ qanunsuz miqrantları hər gün deportasiya etməyi planlaşdırır

Meksika Prezidenti: ABŞ-dən deportasiya olunan miqrantları qəbul etməyəcək