Ukrayna Prezidenti Volodimir Zelenski ABŞ-yə ölkəsinin faydalı qazıntı ehtiyatlarının 50%-nə sahib olmaq hüququ verən sazişi imzalamaqdan imtina edib.

“Report”un məlumatına görə, bu barədə “Washington Post”un (WP) köşə yazarı Coş Roqin X-də yazıb.

“Münhendəki bir neçə qanunverici mənə dedi ki, ABŞ Konqresinin nümayəndə heyəti Zelenskiyə ondan imzalamasını istədikləri sənəd verib. Bu sənəd ABŞ-yə Ukraynanın gələcək mineral ehtiyatlarının 50%-nə sahib olmaq hüququ verəcəkdi”, - deyə jurnalist bildirib.

Eyni zamanda, “Reuters” mənbəyə istinadən qeyd edib ki, Ukrayna lideri hiss edib ki, ondan oxumaq imkanı olmayan bir şeyi əsassız olaraq imzalamağı xahiş edirlər.

“Zelenski ABŞ nümayəndələri ilə Ukrayna Konstitusiyasına uyğun olaraq hazırlanmış mədən sazişi ilə bağlı öz təklifini də müzakirə edib”, - nəşr qeyd edib.

ABŞ senatoru Brayn Şatz Münhendə Zelenski ilə görüşdən sonra ABŞ Prezidenti Donald Trampın təklifinin təkmilləşdirməyə ehtiyacı olduğunu deyib. Lakin detallar barədə danışmaqdan imtina edib. O, həmçinin bildirib ki, Zelenskinin sövdələşmənin birtərəfliliyi ilə bağlı iddiaları ədalətlidir.

Oxşar xəbərlər

Tramp Zelenski ilə yaxşı münasibətləri olduğunu bəyan edib

Zelenski Ukraynanın resurslarını Trampa verməkdən imtina etsə də, tərəfdaşlıq təklif edib

Zelenski Netanyahuya zəng edib

Zelenski: Ukrayna müharibəni diplomatik yolla bitirmək üçün hər şeyi edəcək

Zelenski PUA sifarişlərini artırmağı əmr edib