Fransa parlamenti ölkədə birdəfəlik elektron siqaretlərə qadağanı nəzərdə tutan qanunu qəbul edib.

“Sizinxeber.az” xəbər verir ki, qəbul olunmuş sənəd siqaret çəkmək üçün əvvəlcədən doldurulmuş və yenidən doldurulması mümkün olmayan elektron siqaretlərin Fransada satışını və ya başqa şəkildə yayılmasını qadağan edir.

Qanun layihəsinin müəlliflərinin fikrincə, birdəfəlik siqaretlərin çəkilməsi bir tərəfdən insanların, xüsusən də bu tip cihazlardan çox istifadə edən tələbələrin sağlamlığına mənfi təsir göstərir. Digər tərəfdən bu cihazların akkumulyatorları bir istifadədən sonra atıldığı üçün ətraf mühitə də xeyli ziyan vurur.

Xatırladaq ki, bu qanun layihəsi fevralın 4-də Milli Assambleya (parlamentin aşağı palatası) tərəfindən qəbul edilmişdi.

Bununla da Fransa Belçikadan sonra birdəfəlik elektron siqaretləri qadağan edən ikinci Avropa ölkəsi olub.

Oxşar xəbərlər

Səhiyyə Nazirliyi və AQTA elektron siqaretlərlə bağlı vətəndaşlara müraciət edib

Elektron siqaretlərin zərərləri barədə xəbərdarlıq edilib

Alimlər: Elektron siqaretlər damarların qocalmasını sürətləndirir

Britaniyada ictimai yerlərdə siqaret çəkməyi qadağan edən qanun sərtləşdiriləcək

Fransa istehlak edilən saxta siqaretlərin sayına görə Aİ-də liderdir