Kaliforniya Universitetinin alimləri ənənəvi siqaretlərin ürəyin fəaliyyətinə mənfi təsir göstərdiyini, elektron buxarlandırıcıların isə qan damarlarına daha çox zərər verdiyini müəyyən ediblər.

“Sizinxeber.az” xəbər verir ki, tədqiqatın nəticələri “Journal of American Heart Association” (JAHA) jurnalında dərc olunub.

Təcrübənin bir hissəsi olaraq, alimlər 117 sağlam yetkin dişi və erkək siçovulları təmizlənmiş havaya, nikotinsiz elektron siqaret buxarına, ənənəvi tütün tüstüsünə və nikotin buxarına məruz qoyublar. Sonra tədqiqatçılar sol mədəciyin (ürəyin kameralarından biri) funksiyasını və hər bir heyvanın damarlarının vəziyyətini qiymətləndiriblər.

Nəticələr göstərib ki, tərkibində nikotin olan elektron siqaretlər damar sağlamlığına və sol mədəciyin arterial sistemlə qarşılıqlı əlaqəsinə mənfi təsir göstərir. Həmçinin ənənəvi siqaretlərin sol mədəciyin daralma qabiliyyətini daha çox pisləşdirdiyi də aşkarlanıb.

Ürəyin sol mədəciyi oksigenlə zəngin qanı sistem dövranına vurur. Qan vurmanın səmərəliliyinin itirilməsi bədən hüceyrələrinin oksigen çatışmazlığına səbəb olur. Bu xüsusilə beyin hüceyrələri üçün təhlükəlidir.

Alimlərin fikrincə, nikotin buxarının inhalyasiyası birbaşa damar sisteminin sürətlə qocalmasına səbəb olur. Tədqiqatçılar qeyd ediblər ki, oxşar təhlükəyə təkcə heyvanlar deyil, insanlar da məruz qala bilər.

Oxşar xəbərlər

Alimlər pəhrizlə bağlı məşhur mifi təkzib ediblər

Azərbaycanda siqaret və elektron siqaretlər bahalaşır

Alimlər prostat xərçəngi xəstəliyinə qarşı yeni təbii vasitə kəşf ediblər

Siqaret və alkoqollu içkilərin qiyməti nə qədər bahalaşacaq?

Bağırsaq xərçəngi riskini artıran xəstəliklər açıqlanıb