Fevralın 1-də Rusiya Silahlı Qüvvələrinin Ukraynanın Poltava şəhərinə raket zərbəsi nəticəsində ölənlərin sayı 14 nəfərə çatıb.

“Report” xəbər verir ki, bu barədə “RBK-Ukraina” Fövqəladə Vəziyyət üzrə Dövlət Xidməti və vilayət hərbi administrasiyasına istinadən məlumat yayıb.

Məlumata görə, qismən dağılmış beşmərtəbəli binanın dağıntıları altından daha bir neçə meyit çıxarılıb. Ölənlər arasında iki uşaq var.

Bundan başqa, qurumun məlumatına görə, raket hücumu nəticəsində 17 nəfər, o cümlədən dörd uşaq xəsarət alıb. FVDX əməkdaşları 22 nəfəri xilas ediblər. Raket zərbəsi yerində axtarış işləri davam edir.

Əvvəllər yeddi nəfərin öldüyü bildirilirdi.

Xatırladaq ki, fevralın 1-də Rusiya qüvvələri Ukraynaya 123 dron və 42 müxtəlif növ raket buraxmaqla kombinə edilmiş zərbə endirib. Poltavada raket beşmərtəbəli binaya düşüb, nəticədə bütöv bir giriş dağılıb.

Oxşar xəbərlər

Rusiya ordusunun Poltavaya endirdiyi zərbələr nəticəsində ölənlərin sayı yeddi nəfərə çatıb

Odessanın raket atəşinə tutulması nəticəsində ölən və yaralananların sayı artıb - YENİLƏNİB-2

Belqorodun atəşə tutulması nəticəsində ölənlərin sayı 18-ə çatıb - YENİLƏNİB-4

Kiyevə hücum: ölənlərin sayı 33-ə çatdı

Zelenski: Poltavada ballistik raket hücumları nəticəsində 47 nəfər ölüb