Konqo Demokratik Respublikasının (KDR) paytaxtı Kinşasada BMT missiyasının binası nümayişçilərin hücumuna məruz qalıb.

“Report” xəbər verir ki, bu barədə “Reuters” məlumat yayıb.

Məlumata görə, nümayişlər eyni vaxtda Belçika, Keniya, Niderland, Ruanda, ABŞ, Uqanda və Fransa səfirlikləri qarşısında keçirilib.

Aksiyalar bu ölkələrin hökumətlərinin birləşmələri Ruanda Ordusunun dəstəyi ilə Qoma şəhərinə daxil olan "23 Mart Hərəkatı" (M23) üsyançı qruplaşmasına qarşı fəaliyyətsizliyinə etiraz olaraq keçirilib.

Etirazçılar səfirliklərin qarşısında təkər yandırıb, missiyaların hasarlarından binalara daş və beton parçaları atıblar.

Belçika və Fransa rəsmiləri diplomatik nümayəndəliklərində yanğınlar barədə məlumat veriblər. Uqanda səfirliyinə xüsusən ciddi zərər dəyib. Uqanda Xarici İşlər Nazirliyinin rəsmisi səfirliyin binasının qarət edildiyini və dağıdılığını bildirib.

Polis etirazçıları dağıtmaq üçün xüsusi vasitələrdən istifadə edib. Konqo hökuməti səfirlik binaları qarşısındakı iğtişaşların dayandırıldığını və onları qorumaq üçün əlavə təhlükəsizlik qüvvələrinin göndərildiyini açıqlayıb.

Oxşar xəbərlər

Konqoda etirazçılar səfirliklərə hücum ediblər - YENİLƏNİB [xfgiven_updateblue][/xfgiven_updateblue]

Konqoda şiddətli döyüşlər gedir, sülhməramlılar ölüb [xfgiven_updateblue][/xfgiven_updateblue]

Tbilisidə etirazçılar polisə pirotexniki vasitələr və daş atıblar [xfgiven_updateblue][/xfgiven_updateblue]

Konqo və Uqandanın hərbi qüvvələri onlarla yaraqlını məhv edib [xfgiven_updateblue][/xfgiven_updateblue]

Konqo Demokratik Respublikası və Ruanda Liderləri Böhran Sammitində iştirak edəcəklər [xfgiven_updateblue][/xfgiven_updateblue]