Avropa Komissiyasının (AK) müdafiə və kosmos üzrə komissarı Andrius Kubilius kosmik fəzada müdafiə səylərini birləşdirməyə kömək etmək üçün “Avropa kosmik qalxanı” yaratmağa çağırıb.

"Report"un "Politico"ya istinadən verdiyi xəbərə görə, bunu o, 17-ci Avropa Kosmik Konfransında çıxışında deyib.

“Mən üzv dövlətlərlə və kosmos komandanlığı ilə təhdidlərə, o cümlədən hərbi təhdidlərə nəzarət etmək üçün Avropanın kosmos sahəsinə dair məlumatlılığın artırılması imkanlarına baxmaq üçün dialoqa başlamaq istəyirəm”, - Kubilius bildirib.

O hesab edir ki, bu addımlar Aİ-nin kosmosda müdafiə səylərini birləşdirəcək Avropa kosmos qalxanına gedən yolda tikinti blokları olacaq.

“Avropa kosmosda liderliyini qoruyub saxlamalıdır”, - Avropa komissarı deyib.

Oxşar xəbərlər

Avropa Komissiyasında müdafiə və kosmos üzrə komissar vəzifəsi təsis edilə bilər

Aİ Şurası Avropa komissarlarının siyahısını təsdiqləyib

COP29 çərçivəsində Kosmik Agentliklərin Rəhbərlərinin Sammiti keçiriləcək

Çin şirkəti 2027-ci ildə kosmosa səyahət üçün ilk biletləri satıb

Hindistanla Yaponiya təhlükəsizlik və kosmik sahədə əlaqələri gücləndirir