Avropa İttifaqı (Aİ) qazın alınması və Dnestryanı bölgəyə nəqli üçün Moldovaya 30 milyon avro vəsait ayırıb.

“Report” xəbər verir ki, bu barədə Avropa Komissiyasının mətbuat xidməti məlumat yayıb.

“Bu paket çərçivəsində Aİ 2025-ci il fevralın 10-dək Dnestryanı regionunun 350 mindən çox sakininin elektrik və istilik təchizatının bərpasına kömək etmək üçün təbii qazın alınması və bölgəyə nəqlini maliyyələşdirməyə hazırdır. Paket həmçinin Dnestr çayının sol sahilindən sağ sahilinə elektrik enerjisinin verilməsinə imkan yarada bilər”, - AK-dan bildirilib.

Bundan əlavə, Aİ yaxın həftələrdə Moldovaya böhranın vətəndaşlara sosial təsirini azaltmağa yönəlmiş maliyyə dəstəyi paketi təqdim etməyi öhdəsinə götürür, eyni zamanda ölkədə uzunmüddətli enerji dayanıqlığı və iqtisadi artım üçün zəmin yaradır.

Xatırladaq ki, “Qazprom” şirkəti yanvarın əvvəlində Ukrayna ərazisindən tranzitə qadağa qoyulmasından və rəsmi Kişineunun istehlak edilən yanacağa görə borc problemini həll etməkdən imtina etməsindən sonra Moldovaya qaz nəqlini dayandırıb.

Oxşar xəbərlər

AK islahatlar üçün Moldovaya daha 50 milyon avro ayırıb

Zelenski: Ukrayna Moldovaya kömür təmin etməyə və KES-ə mütəxəssislər göndərməyə hazırdır

"Qazprom" borclarına görə Moldovaya qaz nəqlini dayandıracaq

Aİ Fələstin hökumətinə məmurların maaşlarının ödənilməsi üçün 43 milyon avro ayırıb

Aİ ölkələri qışda Ukrayna və Moldovaya elektrik enerjisi ixracını artıracaq