Qəzza zolağının şimalındakı Cəbaliya qaçqın düşərgəsinə İsrailin hava hücumu nəticəsində fələstinli yazıçı, şair və jurnalist Məhəmməd Hicazi həlak olub.

“Sizinxeber.az” xəbər verir ki, bu barədə Qətərin "Al Jazeera" telekanalı məlumat yayıb.

Məlumata görə, 2023-cü ilin oktyabrın 7-dən bəri İsrail-Fələstin münaqişəsi nəticəsində həlak olan media nümayəndələrinin ümumi sayı 220-yə çatıb.

Kanal Qəzza Səhiyyə Nazirliyinin bəyanatına istinadən bildirir ki, M.Hicazi İsrailin ötən həftə sonu mühasirəyə alınmış əraziyə hücumları zamanı öldürülən 90-a yaxın fələstinli arasında olub.

Xatırladaq ki, daha əvvəl Fələstin Dövlətinin iqtidarı “Al Jazeera” telekanalını “təxribat xarakterli məzmun” yayımlamaqda ittiham edərək onun fəaliyyətini dayandırıb.

Oxşar xəbərlər

Al Jazeera: İsrailin Qəzzanın şimalına hava zərbələri nəticəsində 70-dən çox fələstinli həlak olub

Qəzza münaqişəsində öldürülən jurnalistlərin sayı 220-yə çatıb

Bir gündə Qəzzada ən azı 71 fələstinli həlak olub

İsrailin Qəzzaya hücumları nəticəsində azı 66 fələstinli həlak olub