Əfqanıstanın şərqindəki Cəlalabad şəhərində (Nanqarhar əyalətinin inzibati mərkəzi) naməlum şəxslər Hindistan konsulluğunun əməkdaşına hücum ediblər.

"Sizinxeber.az" xəbər verir ki, bu barədə Əfqanıstanın "Ariana News" telekanalı Nanqarhar polisinin mətbuat katibinə istinadən məlumat yayıb.

Hücuma məruz qalan şəxs əfqandır. O, Hindistan konsulluğunda tərcüməçi işləyir. Zərərçəkənin sağlamlıq vəziyyətinin necə olduğu dəqiq məlum deyil.

Yerli hakimiyyət orqanları hadisənin başvermə şəraitini araşdırır.

Qətərin “Əl-Cəzirə” telekanalı mənbəyə istinadən xəbər verib ki, Cəlalabadda naməlum şəxslər Hindistan konsulluğuna məxsus avtomobili partladıblar. Telekanalın məlumatına görə, hadisə nəticəsində bir nəfər ölüb, daha bir neçə nəfər yaralanıb. Ölən şəxs haqqında məlumat verilmir.

Oxşar xəbərlər

Əfqanıstanda silahlı şəxslərin hücumu nəticəsində 14 nəfər həlak olub

Türkiyədə silahlı hücum zamanı bir neçə polis əməkdaşı yaralanıb

İsrailin Sərhəd Polisinin əməkdaşı Qüdsdə hücum nəticəsində yaralanıb

Avstraliyada helikopter hotelə çırpılıb, xəsarət alanlar var

Yəmən sahillərində Britaniyaya məxsus gəmiyə hücum edilib