Braziliyada quşun təyyarənin pəncərəsinə çırpılaraq salona daxil olmasına görə pilot təcili eniş etməli olub.

“Sizinxeber.az” xəbər verir ki, bu barədə “Daily Mail” yazıb.

Hadisə Envira-Eirunepe marşrutu üzrə hərəkət edən birmühərrikli təyyarənin göyərtəsində baş verib. Pilot şüşəyə çırpılan kərkəsin kabinənin içərisinə düşməsindən sonra təcili eniş etmək məcburiyyətində qalıb.

Ön pəncərəyə ciddi ziyan dəysə də, təyyarə təhlükəsiz şəkildə yerə enib və beş sərnişindən heç biri xəsarət almayıb.

Pilot təyyarəni təcili endirməsini təhlükəli durum olması ilə əlaqləndirib və qeyd edib ki, hadisənin baş verdiyi ərazidə zibilxana var və bu, çoxlu quşlar cəlb edir, nəticədə də hava limanına yaxınlaşan təyyarələr üçün daimi təhlükə yaradır.

Oxşar xəbərlər

Rusiyada təyyarə qəzaya uğrayıb, pilot ölüb

Braziliyada qırıcı təyyarə qəzaya uğrayıb

Türkiyədə təcili enən Hindistan təyyarəsində bomba tapılmayıb

Moskvadan İstanbula uçan “Pegasus”un təyyarəsi Varşavada təcili eniş edib

Türk Hava Yollarına məxsus təyyarənin kapitanı uçuş zamanı ölüb