ABŞ-də Respublikaçılar Partiyasından prezidentliyə namizəd Donald Tramp Kentukki ştatında liderdir.

“Sizinxeber.az” xəbər verir ki, bu barədə “CNN” məlumat yayıb.

Tramp 60,9%, Demokratlar Partiyasının namizədi Kamala Harris isə 37,8% səs toplayıb. Florida ştatında da analoji vəziyyətdir. Tramp səslərin 58,1%-ni, Demokratların namizədi Kamala Harris isə 41,2%-ni qazanıb.

“Washington Post” isə qeyd edib ki, İndiana ştatında da Respublikaçılar Partiyasından namizəd Donald Trampın lider olacağı gözlənilir. Belə ki, seçki məntəqələrinin bağlandığı İndiana ştatında bülletenlərin sayımına başlanılıb.

İlk məlumatlara görə, səs verənlərin təxminən 70%-i Trampa, 27%-dən çoxu isə onun rəqibi, Demokratlar Partiyasından prezidentliyə namizəd Kamala Harrisə səs verib.

Öz növbəsində “CBS” telekanalı mənbələrə istinadən xəbər yayıb ki, Corciya, Arizona, Miçiqan və Viskonsin ştatlarındakı seçki məntəqələrində bomba olması ilə bağlı 30-a yaxın yalan məlumat daxil olub.

Eyni zamanda Donald Tramp Pensilvaniya ştatında keçirilən prezident seçkilərində geniş saxtakarlığa yol verildiyini iddia etsə də, ştat rəhbərliyi iddiaları rədd edib.

Oxşar xəbərlər

Donald Tramp əsas rəqibi Kamala Harrislə debata çıxacaq

Harris əksər ştatlarda Trampı üstələyir

Tramp Harrislə debatın yeni raundundan imtina edib

ABŞ-nin “tərəddüd edən” ştatlarında Tramp və Harrisə dəstək təxminən bərabərdir

NYT: Tramp və Harrisin seçici dəstəyi demək olar ki, eyni səviyyədədir