Almaniya Kansleri Olaf Şoltsun üzvü olduğu Almaniya Sosial Demokrat Partiyasının (SPD) liderləri Saskia Esken və Lars Klinqbeyl maliyyə naziri Kristian Lindnerin təklif etdiyi iqtisadi bərpa planına qarşı çıxıblar.

“Report” xəbər verir ki, bu barədə Bild məlumat yayıb.

Esken bildirib ki, nazirin sadaladığı məqamlar koalisiyada həyata keçirilə bilməz. O, iqtisadi planın hakim partiyanın işinə təsir etməyəcəyinə inanır: “Motivasiya ola bilər, amma uğur olmayacaq”.

Onun həmkarı Lars Klinqbeyl də Lindnerin planını rədd edib: “Hər kəsin dəyişiklik təklif etmək hüququ var, lakin maliyyə nazirinin ideyaları mövcud problemləri həll edə bilməyəcək. Varlılar daha da varlanır, işləyən orta təbəqə daha çox işləyəcək və bunun üçün daha az pul alacaq. Partiya heç bir halda bununla razılaşmayacaq”.

Qeyd edək ki, Almaniyada hakim koalisiya daxilində fikir ayrılıqları güclənir. Ölkə mətbuatı Azad Liberal Partiyasına rəhbərlik edən K. Lindnerin təklif etdiyi tədbirlərin koalisiyadakı digər iki partiya olan Yaşıllar və SPD-nin gündəminə zidd olduğunu yazıb.

Oxşar xəbərlər

Almaniyanın hakim koalisiyası iqtisadi planla bağlı razılığa gələ bilmir [xfgiven_updateblue][/xfgiven_updateblue]

Almaniyada vitse-kansler ölkənin iqtisadi dirçəlişinə nəyin maneə olduğunu açıqlayıb [xfgiven_updateblue][/xfgiven_updateblue]

Kanslerin partiyası ABŞ raketlərinin Almaniyada yerləşdirilməsini dəstəkləyib [xfgiven_updateblue][/xfgiven_updateblue]

Almaniya 5 milyard avroluq büdcə kəsiri ilə üzləşib [xfgiven_updateblue][/xfgiven_updateblue]

Sorğu: Almanların 70%-i hazırkı hökumətin işindən narazıdır [xfgiven_updateblue][/xfgiven_updateblue]