Almaniya Sosial Demokrat Partiyasının (ASPD) Rəyasət Heyəti Amerika raketlərinin Almaniya ərazisində yerləşdirilməsini dəstəkləyib.

“Sizinxeber.az” xəbər verir ki, bu barədə “Der Spiegel” jurnalı partiya rəhbərliyinin qəbul etdiyi sənədə istinadən yazır.

Qəbul edilən sənəddə göstərilib ki, 2026-cı ildən Almaniyada ABŞ-ın uzaqmənzilli raketlərinin yerləşdirilməsinə dair razılaşma Rusiyaya qarşı müdafiə qabiliyyətinin gücləndirilməsi məqsədi daşıyır.

Eyni zamanda sosial demokratların rəhbərliyi ABŞ-ın raketlərinin Şərqi Almaniya ərazisinə yerləşdirilməməli olduğuna işarə edib. Belə ki, silahlar adi döyüş başlıqları ilə təchiz ediləcək və ABŞ-ın Qərbi Almaniyadakı mövcud hərbi obyektlərində yerləşdiriləcək.

Bundan əlavə, partiyanın yaxın həftə və aylarda öz üzvləri və vətəndaşları ilə dialoq üçün məkan yaradacağı qeyd edilir. Bundestaq da parlamentdəki yay tətilindən sonra bu məsələ ilə hərtərəfli məşğul olacaq.

Qeyd edək ki, Almaniyanın hazırkı kansleri Olaf Şolts Almaniya Sosial Demokrat Partiyasının üzvüdür.

Oxşar xəbərlər

Avropa Parlamenti Kiyevə “Taurus” raketlərinin tədarükünü dəstəkləyib

Putin ABŞ-a Almaniyada raketlərin yerləşdirilməsi ilə bağlı cavab addımları olacağı barədə xəbərdarlıq edib

Almaniyada müsəlmanların maraqlarını müdafiə edən partiya Avropa Parlamentinə seçilmək niyyətindədir

Almaniya Səudiyyə Ərəbistanına raket tədarükünə icazə verib

Sorğu: Almanların 70%-i hazırkı hökumətin işindən narazıdır