Koreya Xalq Demokratik Respublikasının (KXDR) ordusu Cənubi Koreya vətəndaşlarının təhlükəsizliyini təhdid edərsə, “rejimin sonu” ilə üzləşəcək.

“Report” xəbər verir ki, bu barədə Koreya Respublikasının Milli Müdafiə Nazirliyi məlumat yayıb.

“Biz açıq şəkildə xəbərdar edirik ki, Şimali Koreyanın vətəndaşlarımızın təhlükəsizliyinə zərər vurduğu gün onun rejiminin sonuncu günü olacaq”, - deyə bəyanatda qeyd edilib.

Rəsmi Seul hesab edir ki, KXDR lideri Kim Çen Inın bacısı Kim Yo-Conqun bəyanatları bu ölkənin ikiüzlü davranışını nümayiş etdirir.

Qeyd edək ki, KXDR liderinin bacısı Cənubi Koreyaya məxsus pilotsuz uçuş aparatlarının Pxenyan səmasında yenidən aşkar ediləcəyi təqdirdə Seulun “faciəli nəticələrlə” üzləşəcəyini bildirib.

Oxşar xəbərlər

Seul Pxenyanı nüvə silahından istifadə ediləcəyi təqdirdə “rejimin sonu” ilə hədələyir

KXDR Koreya və ABŞ-a xəbərdarlıq edib

KXDR Cənubi Koreyaya yenidən şarla tullantı göndərib

Şimali Koreya yenidən Cənubi Koreyaya zibil balonları buraxıb

Kim Çen In: KXDR Cənubi Koreyaya hücumda maraqlı deyil