Mumbayın Çembur rayonunda yaşayış binasında yerləşən mağazada baş vermiş yanğın nəticəsində bir ailənin yeddi üzvü, o cümlədən üç uşaq ölüb.

“Sizinxeber.az” Hindistan mətbuatına istinadən xəbər verir ki, hadisəyə səbəb elektrik naqillərində yaranan qısaqapanma olub.

PTI-nin məlumatına görə, yanğın yerli vaxtla səhər saat 5:20 radələrində Siddarth koloniyasında yerləşən binada baş verib. Yanğınsöndürənlər binanın birinci mərtəbəsinin mağaza, sonuncu mərtəbəsinin isə yaşayış yeri kimi istifadə edildiyini bildiriblər.

“Səhər saat 6 radələrində bizə G+2 binasında yanğın olması, birinci mərtəbədə mağaza, digər iki mərtəbədə isə ailələrin yaşadığı barədə məlumat daxil olub. 7 nəfər ölüb, mağazada yatan 2 nəfər isə xilas edilib”, – polis komissarının müavini vurğulayıb.

Faktla bağlı araşdırma aparılır.

Oxşar xəbərlər

FHN Sumqayıtda yaşayış binasındakı yanğınla bağlı məlumat yayıb - YENİLƏNİB

Sumqayıtda yaşayış binasında yanğın olub, 5 nəfər təxliyə edilib

Bakıda yaşayış binasında baş vermiş yanğında bir nəfər ölüb

Binəqədi rayonunda yaşayış binasında baş vermiş yanğın söndürülüb - YENİLƏNİB

Zaqatalada mağazada yanğın baş verib