ABŞ Dövlət Departamenti Hollandiyaya 224 milyon dollara “Patriot” zenit-raket qurğuları və digər avadanlıqların potensial satışını təsdiqləyib.

“Sizinxeber.az” xəbər verir ki, bu barədə ABŞ Müdafiə Nazirliyinin hökumətlərarası müqavilələr əsasında hərbi texnika və silahların xaricə tədarükünə cavabdeh olan Təhlükəsizlik Əməkdaşlığı Agentliyi məlumat yayıb.

Agentliyin bəyanatında qeyd olunur ki, Dövlət Departamenti Niderland hökumətinə “Patriot M903” buraxılış aparatlarının və müvafiq avadanlıqların mümkün satışını təsdiq edib. Sənəddə qeyd edilir ki, Niderland hakimiyyəti bir müddət əvvəl iki buraxılış qurğusu və avadanlığının alınması üçün ABŞ-yə müraciət edib.

Bundan sonra sənəd Konqresdə öz təsdiqini tapmalıdır.

Oxşar xəbərlər

ABŞ Norveçə 405 milyon dollarlıq “hava-hava” raketlərinin satışını təsdiqləyib

ABŞ İsrailə 18,82 milyard dollarlıq F-15-lərin satışını təsdiqləyib

ABŞ Dövlət Departamenti HIMARS sistemlərinin Norveçə satışını təsdiqləyib