Qazaxıstan Prezidenti Kasım-Jomart Tokayev və Yaponiyanın Baş naziri Fumio Kişida arasında telefon danışığı baş tutub.

“Sizinxeber.az”un Astanadakı müxbiri xəbər verir ki, K.Tokayev bir gün əvvəl Yaponiyada baş vermiş zəlzələ ilə əlaqədar ölkə xalqı ilə həmrəyliyini ifadə edərək ciddi fəsadlarla nəticələnməyəcəyinə ümidvar olduğunu deyib.

Fumio Kişida da öz növbəsində I Mərkəzi Asiya+Yaponiya Dialoq Sammitində iştirak etmək üçün Qazaxıstana nəzərdə tutulan rəsmi səfərinin təxirə salınması ilə bağlı qərarın qəbul edildiyini təəssüflə diqqətə çatdırıb.

Tərəflər Qazaxıstan-Yaponiya əlaqələrinin mövcud vəziyyətini və inkişaf perspektivlərini müzakirə edib, həmçinin regionlararası əməkdaşlıq məsələləri ətrafında fikir mübadiləsi aparıblar.

Kulpaş Konırova

Oxşar xəbərlər

Kişida Yaponiyadakı zəlzələ təhlükəsi səbəbindən Qazaxıstan və Özbəkistana səfərini təxirə salıb

Yaponiyanın Baş naziri zəlzələ ilə bağlı 3 ölkəyə səfərini ləğv edib

Kasım-Jomart Tokayev Azərbaycan Prezidentini təbrik edib

Yaponiyanın Baş naziri Fransa, Paraqvay və Braziliyaya səfər edəcək

Yaponiya yüklərin Orta Asiya və Xəzər dənizi ilə Avropaya çatdırılmasını maliyyələşdirəcək