Ukraynaya təhlükəsizlik zəmanətləri çərçivəsində qoşun yerləşdirməyə hazır olan ölkələrin dəqiq sayı hələ məlum deyil.

“Sizinxeber.az” “İnterfaks-Ukrayna”ya istinadən xəbər verir ki, bunu çərşənbə günü jurnalistlərə Ukrayna Prezidenti Volodimir Zelenski bildirib.

"Biz “boots on the ground”a hazır olan ölkələrin sayını bilmirik. Bizə məlumdur ki, “Arzuedənlər koalisiyası”nda təhlükəsizlik zəmanətləri verməyi nəzərdən keçirən 30 ölkə var", - V.Zelenski deyib.

O vurğulayıb ki, bəzi ölkələr hava hücumundan müdafiəni təmin etməklə, hava məkanında patrul xidməti aparmaqla və ya maliyyə yardımı göstərməklə kömək edə bilər.

Eyni zamanda, prezident qeyd edib ki, əsas hərbi kontingent ukraynalılardan ibarət olacaq.

"Ukrayna ordusuna silah və əməkhaqqı lazımdır. Əgər dediyim sayda ölkə olarsa, belə olan halda Ukrayna maliyyə dəstəyi və silahla təmin edilə bilər", - V.Zelenski izah edib.

O əlavə edib ki, Rusiya tərəfi ilə görüşün hazırlanması üzrə ABŞ-nin koordinasiya qrupuna dövlət katibi Marko Rubio, ABŞ Prezidentinin xüsusi nümayəndəsi Stiven Uitkoff və vitse-prezident Ceyms Devid Vens daxil olacaq.

Ukrayna Prezidenti həmçinin Rusiyanın ötən gecə ölkəyə endirdiyi zərbələrə də münasibət bildirib.

Onun sözlərinə görə, ötən gecə Rusiya Silahlı Qüvvələri Ukraynaya hücumlarda 574 dron və 40 raketdən istifadə edib, lakin onların böyük hissəsini vurmaq mümkün olub. Hücum nəticəsində 15 nəfər xəsarət alıb. Prezident vurğulayıb ki, bütün bunlar Moskvanın sülhə nail olmaq istəyinə daha çox şübhə etməyə əsas yaradır”.

Oxşar xəbərlər

Zelenski: Ukrayna ayda 27 minə qədər insanı səfərbər edə bilər

Zelenski: Ukrayna ABŞ-dən 50 milyard dollarlıq silah almaq istəyir

Zelenski: ABŞ-nin Ukraynaya hərbi yardımı dayandırılmayacaq

Zelenski: Ukrayna lazımi silahların 40 faizini özü istehsal edə bilər

Zelenski: Sülhə nail olmaq üçün təhlükəsizlik zəmanəti lazımdır